कर्तव्यनै भुलेपछी के बन्थ्यो र देश कठै ।
वैरी यहाँ फुलेपछी के बन्थ्यो र देश कठै ।
उदाउँदा उन्नतिका रश्मी पनि हेर्दा हेर्दै
क्षितिजमा घुलेपछी के बन्थ्यो र देश कठै ।
सेवा भनि आमा लुट्ने वहानाका गृहहरु
यत्रतत्र खुलेपछी के बन्थ्यो र देश कठै ।
राष्ट्र हाँक्ने युवाहरु आफु खुशी उन्मादको
निदरीमा झुलेपछी के बन्थ्यो र देश कठै ।
पसिनाले माटो सिंची गलाउँनु पर्ने बेला
भजन गाइ डुलेपछी के बन्थ्यो र देश कठै ।
आनन्द भट्टराई "गाउँले"
No comments:
Post a Comment